Bugungi davrda Yangi O‘zbekiston “Inson qadri ustuvor bo‘lgan jamiyat va xalqparvar davlat” degan muhim g‘oya negizida barpo etilmoqda. 

Shu munosabat bilan, “Harakatlar strategiyasidan – Taraqqiyot strategiyasi sari” tamoyili asosida keyingi besh yillikda mamlakatimizda amalga oshiriladigan islohotlarning zarur siyosiy-huquqiy, ijtimoiy-iqtisodiy va ilmiy-ma'rifiy asoslarini yaratib berishga qaratilgan Yangi O‘zbekistonning 2022—2026 yillarga mo‘ljallangan taraqqiyot strategiyasi loyihasi Internetdagi regulation.gov.uz, 2022-2026.strategy.uz va jamoatchilik.uz portallarida keng jamoatchilik muhokamasi uchun joylashtirildi.

Fuqarolardan Yangi O‘zbekiston taraqqiyot strategiyasi loyihasining muhokamasida faol ishtirok etib, mamlakatimiz taraqqiyotiga xizmat qiladigan takliflarni regulation.gov.uz, 2022-2026.strategy.uz va jamoatchilik.uz portallari hamda @dscuzbekistan va @uzbyuksalish Telegram kanallari orqali yuborishlarini so‘raymiz. 

Zero, Sizning asosli takliflaringiz Yangi O‘zbekiston taraqqiyot strategiyasida o‘z aksini topishi mumkin. Shunday ekan, xalqimiz farovonligini yanada yuksaltirishga, hayot darajasini yaxshilashga o‘z hissangizni qo‘shing!